'YUN DIN ANG FEELING KO, KAMI NA, KASO HINDI. EH' - DANIEL

 

Dahil sa phenomenal success ng loveteam nina Kathryn Bernardo at Daniel Padilla o KathNiel sa kilig-seryeng Princess and I ay gagawa na sila ng pelikulang sila mismo ang bida.

Sa ngayon ay tinatapos muna nina KathNiel ang pelikulang Sisteraka na pagsasamahan nina Kris Aquino at Vice Ganda bilang entry ng Star Cinema ngayong 2012 Metro Manila Film Festival.

 

 

At si Daniel naman ay kasama sa pelikulang Kuratong Balaleng kasama ang tito Robin Padilla at amang si Rommel Padilla.

 

 

Sa susunod na taon naman uumpisahan nina Daniel at Kathryn ang sarili nilang pelikula kaya naman sobrang hectic ng schedule ng panganay na anak ni Karla Estrada kay Omeng (Rommel).

 

 

Sabi nga ng handler ni Daniel na si Luz Bagalacsa nu’ng nagpapa-sked kami ng repeat ng Princess and Us sa Zirkoh Morato bago matapos ang 2012 ay kaagad kaming sinagot ng, “naku, Reggee, punumpuno po ang schedule ni Daniel hanggang January 2013.”

 

 

Busy as a bee pala ang binatilyo kaya pala sa tuwing makikita’t makakausap namin siya ay namumungay ang mga mata at idinadaan lang sa pangungulit para siguro magising-gising siya.

 

 

At sa ginanap na thanksgiving party ng Princess and I noong MIyerkules ng gabi sa Cerchio Restaurant ay nahuli ng dating si Daniel dahil pinakiramdaman muna ang sarili kung kaya niyang bumiyahe dahil kasalukuyan palang nilalagnat ng gabing iyon ang leading man ni Kathryn.

 

 

Hindi ito sinabi ni Daniel sa amin kundi nabanggit lang ng talent handler na naroon din sa nasabing okasyon.

 

 

Feeling din namin na hindi kayang hindi makita ni Daniel si Kathryn nu’ng gabing iyon kaya nagpilit pa rin siyang pumunta bukod pa sa gusto rin niyang magpasalamat sa lahat na ang Princess and I ang una niyang teleserye sa ABS-CBN simula noong i-launch niya pagkatapos ng Gimik.

 

 

At sa panayam namin kina KathNiel kung ano ang pakiramdam ni Gino (karakter ni Daniel) sa balitang maraming nagkakagusto kay Mikay (karakter ni Kathryn) lalo na si Dominique Roque na aminadong crush niya ang dalagita.

 

 

“Salamat! Siyempre, ‘yung gusto kong babae, gusto rin niya,” kunwang galit na sabi ng batang aktor.

 

 

Paano kung ligawan ni Dom si Kath, “E, di ligawan niya po, okay lang naman sa akin.  Ayoko po ng away.  Sawang-sawang nap o ako sa away, e, kami naman po ni Kathryn (sabay titig), basta, alam mo na ‘yun!” paalalang sabi ni DJ sa leading lady niya.

 

 

Bakit nabanggit ng batang aktor na ‘sawang-sawa nap o ako sa away’, palaaway ba siya rati?

 

 

“Opo, hindi na ngayon.” Mabilis naman nitong sagot.

 

 

At aminadong mainitin ang ulo ni Daniel na nakuha raw niya ang ugaling ito sa Padilla.

 

 

“Opo, sakto Padilla talaga ugali ko.” Sambit ng anak nina Rommel at Karla.

 

 

Samantala, hindi nagustuhan ni Daniel ng tanungin namin si Kathryn na sobrang haba ng buhok niya dahil maraming nagkaka-gusto sa kanya.

 

 

“Ayoko pong sinasabi pag mahaba ang buhok ni Kathryn, ‘haba ng hair mo, ayoko, yoko no’n!” pagkadiin-diing sabi ni DJ.

 

 

Kaya nagulat kami at tinanong namin kaagad ang binatilyo, “ayoko po!  Kasi feeling ko, ang daming lalaki sa buhay ni Kathryn.”birong seryosong sabi ni Daniel.

 

 

Hindi rin nagustuhan ni Daniel ang isyung nagbababad si Kathryn sa condo unit niya.

 

 

“Napaka-bastos po ng isyung ito, hindi ko gusto ‘yung salitang nagbabad po siya sa condo ko, hindi po maganda ito para sa isang babae na nagbabad siya sa condo.”paglilinaw ng binatilyo.

 

 

E, kasi naman, wala pa namang condo unit ang batang aktor at nakatira siya sa Pasig City kasama ang mga kapatid at inang si Karla.

 

 

Samantala, inamin naman ni Kathryn na sa rami ng naka-trabaho niyang aktor ay si DJ daw ang pinaka-maalaga sa kanya at sa katunayan ay para na siyang prinsesa talaga kung ituring ni Gino.

 

 

Ang dalagita rind aw ang dahilan kung bakit tumataba ngayon si Daniel.

 

 

“Actually po, ‘yung mga fans ang nagdadala po lagi ng pagkain para sa amin.  Sila ang nagpapataba sa amin.” Sabi naman ni Mikay.

 

 

Kaya abut-abot ang pasalamat nina KathNiel sa kanilang supporters na parating nasa taping ng Princess and I na nakikipag-puyatan din sa kanila.

 

At muling kinulit kung MU na sila, “malabong usapan nga po,” say ni Kath.

“Bad trip ‘yun, ah.  Matinong usapan, di ba?” titig ni Daniel sa leading lady niya.

“Malabo (nga), basta kayo na pong bahala,” tumatawang sabi ni Kathryn.

Kaya ang sabi namin, ‘alam ninyo, feeling ko kayo (na).’

“Feeling n’yo lang po ‘yun,” sagot sa amin ni Mikay.

“Yun din ang feeling ko (kami na) kaso hindi, eh.” Tumatawang sagot ni Gio.

SAM, PINAGTRIPAN NG MGA KAPITBAHAY SA PASIG

Natuwa kami sa mga kuwento ng kapitbahay ni Sam Milby sa Greenwoods Village, Pasig City dahil sobrang bait daw pala ng aktor sa kanila.

 

 

Bagama’t alam na naman ng buong showbiz industry na mabait si Sam ay iba pa rin pala ang dating sa tulad naming taga-media na makarinig ng kuwento mula sa mga hindi naming kilalang tao na kapitbahay ng aktor.

 

 

Naka-dinner namin ang mag-asawang may-ari ng bagong tayong skin clinic sa Ortigas Center, Pasig City na ipinakilala lang din sa amin ng isang kaibigan na hindi taga-showbiz at napag-kuwentuhan namin ang mga kliyente nilang artista na mga sikat din naman.

 

 

Hindi alam ng mag-asawang ito na reporter kami kaya panay ang kuwento nila ng kung anu-ano tungkol sa mga nakakahalubilo nilang artista at ‘yung ibang gustong maging endorser nila.

 

 

Hanggang sa nabanggit nilang ka-village nila si Sam at hinayaan namin silang magkuwento tungkol sa aktor.

 

“’Yung mga kapitbahay namin, natutuwa kay Sam, mabait pala ‘yun?  Sabagay kita naman sa mukha na mabait at sa tuwing makikita siya, bumabati, parating nagsasabi ng ‘hi o hello’, palangiti naman.

 

 

“Minsan pinagkatuwaan nila si Sam, may mga sumigaw ng sunog, sa tapat ng bahay mismo ni Sam, hayun, bagong gising yata, lumabas si Sam, may dala-dalang timbang tubig at tinanong, “sunog? San po ang sunog?

 

 

“Nagkatawanan nga lahat, kasi ‘yung pagkasabi niya ng sunog, slang daw.  Kaya maraming gusto si Sam kasi alam mong tutulong talaga,” dire-diretsong kuwento sa amin.

 

DANIEL PADILLA, IDOLO NG KABATAAN

Sobra na talaga ang kasikatan ng bagong ini-idolo ng bayan na si Daniel Padilla dahil hindi lamang sa teleserye namamayagpag ang kasikatan niya kundi maging sa live shows at recording at sa katunayan ay platinum na ang self-titled album niya mula sa Star Records na may carrier single na Hinahanap-Hanap Kita na igininawad sa kanya kahapon sa ASAP.

 

 

At ngayong gabi ay mapapanood ang Princess and Us show kasama ang  Prinsesa ng Primetime na si Kathryn Bernardo with Khalil Ramos at ang Sexbomb Dancers. 

 

 

Ini-launch na rin ang soundtrack album ng Princess and I at talagang nakakabingi ang mga hiyawan ng loyalistang supporters nina Daniel at Kathryn tulad ng Kathniel, KathNiel Addicts, Proud Daniel Fans, Danielstaz, SmirkForDaniel, DanielRocks at iba pa.

 

 

At para sa tickets ay maaring tumawag sa Zirkoh 376-7287 o sa SM TICKETS 470-2222 at 0917-4398587.

 

 

DANIEL AT KATHRYN, MU NA?

Sinugod ng loyalistang fans nina Daniel Padilla at Kathryn Bernardo ang programang Kris TV kahapon kesehodang rumaragasa ang bagyong Helen.

 

As early as 6AM ay nagdagsaan na ang mga grupong Kathniel, KathNiel Addicts, Proud Daniel Fans, Danielstaz, SmirkForDaniel, at iba pa kaya naman nagulat ang mga guwardiya ng ABS-CBN dahil akala nila ay may rally, ha, ha, ha.

 

Anyway, dapat kasi ay noong nakaraang linggo pa ang guesting nina Daniel at Kathryn ginawa namang dagat ni Habagat ang buong Metro Manila kaya hindi natuloy.

 

“Walang oras talaga, punumpuno ang schedules nila Reggee, grabe!” ito ang sabi sa amin ng handlers ng dalawa na sina Luz Bagalacsa at Cris Navarrp ng taga-Star Magic.

   

Natutuliro rin ang adprom lady ng Star TV na si Joanne Angeles dahil nga kinukulit din siya ng supporters at maski na maysakit siya kahapon ay binantayan niya ang guestings ng dalawa.

  

Kaya naman kahapon bago pumunta sa General Santos City ang batang aktor ay dumaan siya sa Kris TV kasama si Kathryn kaya hindi na ito pinalampas ng supporters ng dalawa na sobrang kilig na kilig sa kanila.

  

Nabingi-bingi sa tilian at hiyawan ng fans ang buong tao sa studio at maging si Kris ay naloloka at sa katunayan ay on air niyang sinabi na patayin muna ang mga cellphone na walang tigil sa kakatunog dahil nadi-distract sila.

  

Co-hosts ni Kris ang ex-lovers na sina Jason Francisco at Melai Cantiveros kahapon kaya walang ginawa ang mga ito kundi mag-asaran at mukhang may balikang mangyayari sa dalawa.

  

Samantala, inamin ni Daniel na willing siyang maghintay kay Kathryn kapag tumuntong ito ng 18 years old (2014) at ngayon palang daw ay wala ng ibang babae para sa kanya kundi ang leading lady niya sa Princess and I.

 

Diretsong tinanong ni Kris kung kailan puwedeng mag-boyfriend si Kathryn at sinagot nga nitong pagtuntong niya ng 18 at muling tinanong ng TV host kung puwedeng MU (mutual understanding)?

   

“Puwede po siguro kasi wala naman commitment pa, parang inspirasyon lang.” sagot ni Kathryn na lalong ikinakilig ng supporters na nasa studio.

  

At ibinuking naman ni Melai na, “naku, feeling ko sila na, alam nila lahat ang tungkol sa isa’t isa.”

   

At heto na, sumimangot si Daniel ng malaman niyang may nagkaka-crush kay Kathryn, si Dominic Roque na kasama naman sa Aryana na pamangkin ni Beth Tamayo.

  

Nag-guest na rin kasi ang baguhang aktor sa Kris TV dati at nabanggit nga niya na crush niya si Kathryn at ipinaalala ito ni Kris sa dalagita na hindi pa pala nakikilala ng young actress si Hubert (role ni Dominic) kaya si Daniel ay sumimangot at sabay bawing, “okay nga po iyon na magkakilala sila (Kathryn)." 

 

Kaya naman si Kris ay natatawang naiiling na lang sa kulitan ng dalawa dahil tila naiinis si Kathryn sa panga-asar ni Daniel sa kanya tungkol kay Dominique. 

 

Samantala, kinilig lalo ang fans ng i-promote na nina Daniel at Kathryn ang show nilang Princess and Us sa Zirkoh Morato sa Agosto 20, Lunes kasama si Khalil Ramos plus Sexbomb dancers.

  

Sobrang pasalamat kami sa handlers na sina Luz at Cris dahil naglaan sila ng oras para makapag-promote ang dalawang bagets ng Princess and Us at sa buong staff ng Kris TV lalo na kay Kris at kay Joanne na kinukulit namin parati para sa promo.

 

 

                                                             

  

AKTRES MAY SABIT ANG PAKAKASALANG BOYFRIEND?

Kilalang aktres inililihim ang nalalapit niyang pagpapakasal sa kanyang non-showbiz boyfriend.

Balitang nagpakasal na ang kilalang aktres sa non-showbiz boyfriend niya ng magpunta sila sa ibang bansa pero ang totoo ay hindi pa dahil mas gusto ng dalawa na sa Pilipinas sila magpakasal.

At sa tuwing tatanungin ang aktres tungkol sa isyung ito ay hindi naman niya itinatanggi o inaamin dahil ayaw niyang matanong pa ng kung anu-ano.

Ang pinagkaka-abalahan ngayon ng aktres ay ang nalalapit nilang pagpapakasal ng non-showbiz boyfriend niya na magaganap sa isang sikat na resort sa Pilipinas na sana lang walang bagyo dahil parating binabagyo ang lugar na ito.

Masaya kami para sa kilalang aktres sa nalalapit niyang kasal dahil pangarap niya ito noon pa at sana hindi na siya magkamali muli sa pagpili.

Kaya lang may nag-tsika sa amin, may sabit daw ang lalaki?  Sana hindi ito totoo.

VICE: DI KO ALAM KUNG BIGAY SIYA NG DIYOS O NG DEMONYO-HA, HA, HA

Sinigurado ni Vice Ganda na maski gaano siya ka-busy ay nagsisimba siya sa Baclaran, “I pray everyday at every morning?”pagtatapat ni Vice.

 

 

Natawa kami sa kuwento ni Vice na nababago raw ang panalangin niya noong hindi siya sikat at ngayong sikat na siya.

 

 

“Nababago rin, hindi na ako ngayon masyadong humihiling.

 

 

“Kasi rati salat ka di ba, hiling ka ng hiling kasi nga wala ka, ngayon nahihiya na akong humiling, pero pag may isang bagay akong gusto, sinasabi ko talaga, ini-specify ko kasi para hindi na manghula.

 

 

“Pero kapag todo o bigat (problema), sabi ko, bahala na po kayo kung ano ang gusto ninyo.” Pagtatapat ni Vice.

 

 

Tinanong kung kasama ba sa panalangin ni Vice ang boyfriend?

 

 

“Hindi, nahiya ako sa kanya (God), ipinapanalangin ko ‘yung boyfriend, ‘yung pamilya niya, at saka kapag may problema pero hindi ko hiniling na maging kami, kasi nahihiya ako, baka kotongin akong bigla,ha, ha, ha, ha.

 

“Baka sabihin, talandi ka ah, sinabi kong bawal ‘yan, makulit ka, ha, ha, ha” tumatawang sabi ng TV host.

 

 

“Kaya nga ‘yung dyowa ko hindi ko alam kung bigay ng demonyo o bigay ng Diyos, pero hayaan mo na siya, ha, ha, ha gusto ko rin naman ‘yun.” Dagdag sabi pa ulit ni Vice.

 

 

At inamin din ni Vice na araw-araw may konyat siya mula sa Panginoong Diyos, “hindi naman perfect ang araw-araw, pero hindi naman buong araw sa 24 oras tsaka, sabihin mo ng limang (5) oras ang tsaka, may nineteen (19) na oras na maganda. Kaya nagpapasalamat pa rin ako.”

 

Samantala, inamin din ni Vice na walang nabago sa kanya pagdating sa pagkain dahil kung ano ang kinakain niya noong wala siyang pera ay iyon pa rin ang mga gustung-gusto niyang pagkain ngayon.

 

 

“Nagkakamay ako kapag kumakain, ulam ko galunggong.  Masarap magluto mga bakla (kaibigan) ko sa bahay.  May mga kaibigang bakla ako sa bahay, sila ‘yung mga kasa-kasama ko noong high school pa ako, hindi na kami naghiwa-hiwalay.

 

 

“Kaya noong nagpagawa ako ng bahay, may sarili talaga silang kuwarto sa bahay ko.

 

 

“Kaya nga ako nagpagawa ng sarili kong bahay para may kuwarto sila, yung nauna kasi para sa pamilya ko, siyempre hindi naman naming puwedeng gawin ang gusto naming gawin ‘yung mga eksena naming mga bakla kapag nandoon ang nanay ko, baka maloka naman siya.” Kuwento pa sa amin.

 

 

At tatlo na raw ang bahay ngayon ni Vice kaya ang tanong namin ay kung magkano na ang worth niya bilang artistang sikat.

 

 

“I’m immeasurable,” one-liner sa amin sabay tawa ng hitad.

 

 

MAGULANG NG BATANG AKTOR, MASAMA ANG LOOB SA SHOW NG ANAK?

 

Sana linawin ng magulang ng batang aktor na si Paul Salas ang isyung may sama sila ng loob sa ilang staff ng Aryana dahil mas pinalulutang daw ang character ni Dominique o Dom Roque bilang isa sa leading man ni Ella Cruz.

  

Nag-umpisa sa blind item ang isyu na may sama raw ng loob ang magulang ng isang batang aktor sa programang kinabibilangan ng kanilang anak dahil nagiging support na lang daw ang role nito gayung leading man ang ipinangako sa kanila noong i-offer ito sa bata.

  

At pinangalanan na ang batang aktor na si Paul Salas na ang magulang ay dating Universal Motion Dancer na si Jim Salas at nanay naman niya si Michelle Solinap na pinsang buo ni Dingdong Dantes.

  

Lead role raw ang ipinangako kay Paul bilang leading man ni Ella bilang si Aryana hanggang sa isinama na si Dom Roque bilang ka-love triangle.

 

At nitong mga huling episodes ay kapansin-pansin nga na mas malapit si Aryana (Ella) kay Hubert (Dominique) kaysa kay Marlon (Paul) at mas maraming exposure ang pamangkin ni Beth Tamayo.

  

Ang obserbasyon namin ay sinadya ng nagsulat ng Aryana na ganito ang istorya at sa ganu’n malaman din kung sino ang mas gusto ng fans na leading man ni Ella kina Paul at Dom.

Para sa susunod na project ni Ella ay alam na kung sino ang magiging ka-loveteam niya.

  

VICE, PIKON SA GGV GUEST NA INARTE

Hindi na kami nagtataka kung bakit parating negatibo ang dating ni Vice Ganda kapag may mga nababasang hindi maganda sa Twitter account niya dahil dito siya naglalabas ng saloobin niya.

 

“Oo ako talaga ‘yung nagtwi-tweet, kasi doon ko lang inilalabas ‘yung sama ng loob ko or something.

 

“Minsan kasi kapag may mga nagpapa-picture, kailangan pagbigyan mo maski masama ang pakiramdam mo, pag hindi mo naman napagbigyan, sumasama ang loob nila.

 

“Kaya ko pino-post ‘yung nararamdaman ko para maunawaan din ng mga nakababasa.

 

“Okay sa amin (mga artista) ang may mga nagpapa-picture kasi doon mo malalaman kung mayroon pang interesado sa ‘yo ang masa, pero may mga pagkakataong hindi mo kayang ngumiti, lalo na ako hindi ko nape-peke talaga ‘yung ngiti ko, hirap na hirap talaga ako sa ganu’n. 

 

“Kung hindi ko talaga gusto, hindi ko kayang magpanggap na okay lang ako maski na hindi naman ako okay.” Maayos na paliwanag ng TV host.

 

At kapag hindi raw siya nakikipagbiruan sa mga hurado o hosts sa Showtime ay wala siya sa mood

  

“Oo ganu’n ako,m kapag serious, serious pag baliw-an, baliw-an talaga.

 

“Hindi ko pa nama-master ‘yung art ng dedma.  Hindi talaga ako artista, eh.”sabi pa.

 

Natanong din si Vice kung kumportable bang ipinapakita niya ang tunay niyang nararamdaman sa lahat kaysa itinatago. 

 

“Oo kasi at the end of the day, ako rin naman ang mahihirapan.  Hindi naman ako magsisisi.  Ayokong pagsisihan ‘yung mga hindi ko nasabi o nasabi ko.  ‘Yung sana nagawa ko pero hindi ko naman ginawa kasi mas kinonsidera ko ‘yung ibang tao kaysa sa sarili ko.

  

“Gusto ko bago ako matulog ‘yung makakahinga ako, ‘yung tipong ginawa ko kasi gusto ko.” Katwiran niya.

  

Pero may nabago naman daw kay Vice na dahil medyo ingat na siyang magbitaw ng mga salita kumpara rati.

  

“In-strain ko na, mas malaki na ‘yung obligasyon ko, pero hindi pa rin ganu’n ka-ingat kasi mas nakakangawit, kasi ang hirap na lang ‘yung ginagawa mo tama, hindi na ‘yung gusto mo.”paliwanag ulit ni Vice. 

 

Samantala, hindi namin akalain na ang isang tulad ni Vice na halos nasa kanya na lahat ay marami pa rin palang pinagdadaanang problema.

 

“Marami, ang dami kong problema no!  Normal akong tao, dami kong iniisip, puro personal, actually hindi ko nga iniiisip ang lovelife. 

 

“Sa sarili ko, ang problema ko kasi, lahat binibitbit ko, katulad sa simpleng damit maski na mayroon akong stylist, pero hindi ko lahat inaasa lahat sa stylist.  Hindi ko isusuot lahat ng ipapasuot sa akin, hands-on ako.

  

“Like sa show, hindi ko sasabihin ang script hangga’t hindi ko nababasa lahat ‘yun.  Lahat maski sa live like Showtime/Gandang Gabi Vice, may ipapagawa, hindi ko gagawin kung hindi ko nababasa at kung hindi ko kayang gawin, hindi ko gagawin kasi hindi ako ‘yun.” Pag-amin niya.

 

Muling nabuksan ang isyung nagsigawan daw sila ni Vhong Navarro na co-host niya sa Showtime.

  

“Hindi totoo ‘yun.  Unang-una si Vhong, hindi siya ‘yung ganu’ng klase ng tao.  Ako puwedeng makipagsigawan, pero si Vhong ang kasigawan ko, napaka-imposible kasi hindi talaga.  Hindi ganu’n si Vhong.

 

“Kung sinabi pang nagka-tampuhan kami ni Vhong, possible ‘yun, pero ‘yung nagsigawan kami, hindi.  Pero nagkakatampuhan na kami, putso-putso lang, madalas, simpleng motif ng lahat tapos hindi susunod, ganu’n, pero ‘yung sigawan, wala talaga.” Paliwanag ni Vice sa isyu.

  

At ang isyung nag-away sila ng direktor ng Showtime na si Bobet Vidanes na dumating pa sa puntong nag-resign daw ito dahil sa kanya ang hinding-hindi niya makakalimutan dahil talagang sumama raw ang loob niya sa mga kasamahan niya sa programa.

 

“Sumama talaga ang loob ko sa kanila, sa Showtime mismo kasi no’ng pumutok ‘yung isyu, wala naman ako sa bansa, abroad ako, pero nababasa ko lahat kasi active ako sa twitter, sa facebook, nababasa ko.

  

“Sumama loob ko sa kanila (Showtime family) sabi ko sa kanila, alam ninyong may isyu, alam nating lahat at alam ninyo ang totoo, bakit wala kayong ginagawa, bakit hinayaan ninyong mabato ako ng mabato samantalang alam nating lahat kung ano ‘yung totoo?

 

“Sabi ko, minahal ko ‘yung show, pino-protektahan ko ‘yung show, pero sa puntong ito, parang hindi ako nakaramdam ng protekta.

 

“Sabi ko pa, sana ma-reliaze n’yo (Showtime) na kapag tuluyan akong nasira d’yan, hindi lang naman ako, kayo rin, kasi di ba, isa ako sa mukha ng programa n’yo?  Lahat tayo nasisira, dapat lahat tayo nagtutulungan.  Isa talaga ‘yun sa ikinasama ng loob ko, pero na-resolve rin naman.” Magandang paliwanag ni Vice.

  

Mahirap bang maging sikat at naniniwala ba siyang sikat na siya?

“Ha, ha, ha, sa totoo buhay, oo, kasi ang daming mata, di ba?  Ang daming matang humuhusga sa ‘yo, ang daming matang nakikialam, ang daming bibig na nagsasalita, ang daming opinion.

  

“Pag sikat ka di ba, ang daming may opinion sa ‘yo?  Pero pag hindi ka naman sikat, maski tumae ka sa EDSA, wala naman silang pakialam, isusulat k aba nila, hindi naman.

 

“Naniniwala naman po akong sikat ako (sabi ke Manay Ethel).  Hindi na ako magpapaka-plastic, prangkahan na.  ‘Yung pelikula kong Praybeyt Benjamin ang tumabo sa takilya. 

  

“Sikat ang mga programa ko, mataas ang ratings ng mga programa ko, tapos hindi kilala ‘yung host?  Napaka-imposible ‘yun.” Natawang sagot naman ng komedyante.

 

Samantala, inamin din ni Vice na may mga guest sila sa Gandang Gabi Vice na talagang naiirita siya dahil hindi cooperative. 

  

“Kasi 70% ng mga nagi-guest sa amin, gustung-gusto nilang mag-guest at marami pang gusto ring mag-guest.

  

“May mga nasasalubong ako na magtatanong na., ‘uy, kelan mo ako ige-guest diyan?  Maraming may gustong maging bahagi sa show.

 

“Wala pa naman akong na-experience na napipikon sa akin ang guest, pero ako, naka-experience nan g ilang beses na ako ang napipikon sa mga guests ko.

  

“Nainis ako kasi nag-guest ka rito (GGV), alam mo ‘yung host, alam mo kung ano ang kalakaran ang programa, pero ayaw mong ibigay ang sarili mo.  Sana hindi ka pumayag mag-guest dito para wala tayong conflict.

 

“Hindi tayo naglolokohan, bina-block mo ako, e, hindi naman to para sa akin, para ‘to sa viewers ko, eh.” 

At sa tanong kung paano na-survive ng nag-guest na iyon ang show?

  

“Tinapos ko kaagad, kasi alam kong hindi niya ia-allow na makakapasok ako.” Kaswal na sabi ng TV host.

  

At dahil sa nairita siya sa isang guest ay mayroon siyang hindi pina-ereng episode, “lahat kasi ng sinasagot niya sa akin, secret! Tapos sinabi ko, sine-sekreto mo pala lahat, sana hindi ka pumasok sa showbiz, sana hindi ka nagpakita sa amin, sana hindi ka nag-guest dito. 

  

“Kasi unang-una, kayo/ikaw ang may gustong i-guest ka dito, hindi kami, hindi naman ako ang nagpahanap sa ‘yo.  Kaya sabi ko sa staff, huwag ipalabas (iere) ‘yan.

 

“Bakit ko naman ipalalabas ang episode na hindi naman ikatutuwa ng manonood ko, e, kaya ko nga ginawa ‘yun para matuwa tayo sa isa’t isa.

  

“Si Noli de Castro, Vilma Santos, Angara, Jinggoy ibinigay ang sarili (nakipag barubalan), ikaw pa ba? Kayo pa ba? Pero ginagalang ko pa rin sila, pero hindi ko lang ipapalabas.” Diretsong sabi ni Vice.

 

Samantala, nagpa-thank you party si Vice sa mga taong malapit sa kanya tulad ng Showtime/Gandang Gabi Vice staff at mga kaibigang artista tulad nina Billy Crawford, Anne Curtis, Raymond Gutierrez, Liz Uy at iba pa.

  

“Pa thank you koi to sa lahat ng taong tumulong at nakakatulong sa akin, sa rami ng blessings ko at awards ko, sobrang late na nga kasi wala talagang time, like sa Augusto 30, papunta ako ng Canada for a show, tapos may shooting pa ako ng movie with Toni (Gonzaga) at Luis (Manzano), This Girl is in love with you Pare at ‘yung sa amin ng asawa ko (Kris Aquino), oo ‘yun ang tawagan namin ni Kris for Metro Manila Film Festival.” Say ni Vice.